Serbska kulturna informacija LODKA

Serbska kulturna informacija LODKA jo wótnožka Załožby za serbski lud, kótaraž jo se wótwóriła 6. měrca 1992 w Chóśebuzu. Wóna informěrujo wó žywjenju, stawiznach a rěcy łužyskich Serbow tak ako wó zarědowanjach.

Woglědarjoju se póbitujo mimo togo wobšyrny sortiment, ako wopśimjujo serbske kulturne znankstwa, publikacije a tonowe nosarje wó serbskem žywjenju we wšakorakich rěcach.

Dolnoserbske pomjenjenje LODKA se póśěgujo na jaden part na funkciju togo informatiskego městna ako loda a stoj na drugi part symboliski za ceło wósebny pókład – za drogotne kulturne bogatstwo małego słowjańskego luda Serbow, ako ma se zachowaś a woplěwaś.