Młoźinski koordinator Domowiny statkujo ako pósrědnik mjazy kšywowym zwězku Domowina a młoźinu w serbskich sedlišćowych stronach. Wón staja ako młoźinskim kupkam Domowiny tak teke wšyknym drugim zajmowanym młodostnym wjelerake póbitowanja k zaběru ze serbskeju kulturu a rěcu we wólnem casu k dispoziciji.

Ku konkretnym nadawkam Młoźinskego aktiwa licy to slědujuce:

  • póraźowanje
    • we wobłuku Młoźinski aktiw
    • we jsy (jadnotliwa kupka; młoźinska zgromaźina)
    • młoźinskego wjednistwa (we jsy; w Serbskem domje)
    • rozgrono z jadnotliwym
  • kulturne źěło
    • woplěwanje nałogow (zapust, jatšowny wogeń, stajenje majskego boma, jańske rejtowanje a žnjowne nałogi ako Kokot abo kjarmuša)
    • zgromadne woglědy do muzeja
    • motiwacija k wobźělenju na kursach (drastwa, wušywanje, rěc, domowniske stawizny)
    • woplěwanje a zeźaržanje rěcy
    • w socialnem rumje / w gmejnje (bergarska angažowanosć) (tuchylu źěła 10 młodostnych cesnoamtski ako gmejnske zastupniki)
  • wólny cas młoźiny
    • organizacija sportowych turněrow (volleyballowe a kopańcowe turněry (Domowina-Cup))
    • wuwołanje wuběźowanjow (n.pś. „Nejrědnjejšy majski bom Dolneje Łužyce se pyta“)
    • zgromadne jězby, wulěty
    • zmakanja serbskeje młoźiny
  • pódpěrowanje
    • pominanje a wótlicenje projektow (Domowina, załožby, amty)
    • gromaduźěło ze šołtu, towaristwami
    • kooperacija ze sobuźěłaśerjami JA
    • namakanje pśigranjańskich partnarjow
  • dalejdanje, póbitowanjow, wuwołanjow, pśepšosenjow
    • dalejkubłanje
    • wólny cas
    • zmakanja we wokrejsu a pó cełem kraju
  • medijowe źěło
    • Serbski rozgłos a telewizijne wusćełanje „Łužyca“
    • gromaduźěło ze casnikarjami (n.pś. Lausitzer Rundschau abo teke mjazynaronde kontakty: wěcejrazne woglědy Penny Bradfield z Awstraliskeje a Vladimira Pomortzeffa z Ruskeje, wobej wjelgin znatej fotografa, ako pón fotoreportaže wózjawitej)
    • swójske artikle, interviewy w Nowem Casniku (serbski tyźenik)
    • wjelgin dobre gromaduźěło z amtskimi łopjenami
Ansprechpartner
Młoźinski koordinator: Helmut Mattick
Anschrift
A. Bebelowa droga 82
03046 Chóśebuz
Telefon
0355-48576 453
E-Mail-Adresse