Jurij Koch cyta ze swójich nowych knigłow 5. febrara w Chóśebuzu

Stwórtk, 5. februara 2009, zeger 19.00 cyta spisowaśel Jurij Koch ze swójich nowych górnoserbskich knigłow „Na kóncu dnja” w Chóśebuskem Serbskem muzeju na Młyńskej droze 12. Južo wjele chwalone knigły su wujšli kóńc lěta 2008 w Ludowem nakładnistwje Domowina.

Zapśimujuce wulicowańko wó 19lětnem Juriju Ryćerju z Hórkow jo spisane pó historiskem tšojenju z lěta 1794. We wulicowańku wustupuju historiske wósobiny z Chrósćic, Komorowa, Šešowa, Budyšyna a Barlinja.

Jurij Koch jo se naroźił w lěśe 1936 w Hórkach a bydli w Chóśebuzu. Wón jo studěrował žurnalistiku a źiwadłowědu w Lipsku a źěła ako lichy publicist. Jogo twórby su se cytali a cytaju se teke w pśełožkach w cełej Europje, jo, na cełem swěśe. Sfilmowanja žednych z nich su pśinosowali wušej togo k tomu, až jo se schójźeńk znatosći našogo regiona bejnje pówušył.

Na toś to zgromadne zarědowanje Ludowego nakładnistwa Domowina a města Chóśebuza pśepšosujotej wjelgin wutšobnje jadnarka nakładnistwa Marka Maćijowa a wušy šołta Frank Szymanski.

weitere Informationen