Postajenja za wobźělenje na Šuli za donoserbsku rěc a kulturu

Pśipowěźenje

Pśipowěźenje jo možne telefoniski, z faksom, abo pśez internet. Na žycanje mogu zajmowane se wosobinski poraźowaś daś. Chtož se wobźělijo na zarědowanjach, musy je wopłaśiś a se zapisaś do lisćiny. Jo-li pśemało pśizjawjenjow, možo rěcna šula zarědowanja wotskazaś.

Zniženje płaśizny

Chtož ma „Cottbus-Pass”, možo wopłaśiś kurse po znižonej płaśiznje wo 40%.

Wopłaśenje

Wupadnjo-li kurs, wrośijo šula wopłaśonk. Dalšne požedanja njepłaśe. Powažneje zawiny dla možo kursist we běgu 4 tyźenjow pisnje pšosyś, aby se jomu wopłaśonk wrośił. To jo jano potom možno, gaž njejo se hyšći połojca zarědowanjow wotměła. Pjenjeze se pśepokažu za tym, gaž jo se kwitowanka slědk dała. Za wobźěłanje pšosby wotśěgnjo se wot cełeje sumy 5,00 €.

Wopisma

Wupisanje certifikatow, wopodstatnjenja wobźělenja a drugich wobkšuśenjow płaśi wot 2,00 do 4,00 € po dypku 3.5.2 Postajenjow za wobźěłańske wopłaśonki města Chóśebuz. Wotźělenje za do- a dalejkubłanje Šulskego amta Chóśebuz pśipoznajo wše kurse ako „lažece we zmysle ceptarskego dalejkubłanja”. Pśizjawiś se dej pśi rěcnej šuli. Šulski amt njepśewzejo žedne košty, ceptarje mogu pak pšosyś wo wosebny dowol. Pšosba wo pśizwolenje dokubłanja na Šuli za dolnoserbsku rěc a kulturu dej se z casom na Šulski amt zapodaś, pśipisaś dej se skrotconka CB-NSK.

Stworiśelske pšawa

Fotografěrowanje a nagrawanje pśi zarědowanjach su jano z wosebnym pśizwolenim možne. Kopěrowanje software jo zakazane. Wuźělony wucbny material se njesmějo mimo pśizwolenja kopěrowaś.

Rukowanje

Płaśe postajenja Ludoweje wusokeje šule Chóśebuz. Domowy porěd jo wobstatk Postajenjow wobźělenja.

Šćit datow

Wosobinske daty se jano tak daloko do komputera daju, ako jo to za rědowanje kursow trěbne.

Organizacija

Rěcna šula wobchowa sebje pšawo změny městna, termina zarědowanjow abo docentow . Po možnosći se wona wobźělnikam sobuźělijo. Kuždy zajmowany možo do postajenjow za wobźělenje we běrowje Ludoweje wusokeje šule abo we jeje wobcerku - Šula za dolnoserbsku rěc a kulturu - poglědnuś.

weitere Informationen

Serbske wokno

Stajnišćo gospodarstwa, wědomnosći a technologije